نوعين من المسمن بعجين واحد
السلام عليكم ورحمة الله وبركاته عملت نوعين من الرغايف بعجين واحد وطلعو ممتازين نتمنى يروقكم
مقادير الحشوة تبقى دائما حسب الرغبة والمتوفر انا عملت حشوة عبارة عن كمية من اللحم المفروم المتبل وقطعت بصلة لقطع صغيرة وفلفل أصفر مقطع كدلك لمربعات صغيرة شحرت البصل مع زيت الزيتون من بعد نضيف الملح والابزار ثم بابريكا وضامة الزعفران وضفت الفلفل الملون وحركت الخليط جيدا حتى ينسجم ونضيف اللحم المفروم المتبل ونقلب الخليط جيدا ونتركه حتى ينشف من الماء ثم نضيف في الاخير ربيع مفروم ثم نزيله من النار
مقادير العجين 400غ دقيق ابيض + 400غ دقيق الفينو + ملعقة صغيرة ملح + ملعقة كبيرة حليب بودر + بيضة +ملعقة صغيرة سكر + ربع خمارة الحلوى + الماء البارد لجمع العجين
الطريقة نخلط النواشف مع بعض يعني الدقيق والفينو والسكر والملح وشوية خميرة الحلوى وحليب بودر ثم نضيف البيضة مطربة ونزيد الماء بالتدريج حتى الحصول على عجينة متماسكة تدلك جيدا لمدة لا تقل عن 10 دقائق ثم تدهن بالزيت ونلفها في بلاستيك غدائي ونخليها ترتاح لمدة 15 دقيقة بعد دلك ندهن أيدينابالزيتونقسم العجين إلى كرات صغيرة متساوية الحجم ثم نقوم بفرد كل كرة على حدى ندهنها بقليل من الزبدة المدابة ونطويها على شكل مسمنة من بعد نبسطها شوية بأيدي ونعمل الحشوة وسطها ونسدها على شكل ضرف نشعل الفرن على درجة حرارة متوسطة ونخلي الرغايف يرتاحو لمدة 15 دقيقة ثم ندهنهم ببيضة كاملة ونقفل الرغايف بزيتونة وندخلهم يطيبو ونخليهم حتى يتدهبو جاو مقرمشين ورائعين في المداق انا عملت نصف العجين رغايف في الفرن وعمرتهم وباقي العجين عملت منو مسمن في المقلة وبالصحة والراحة
Commenter cet article