حلوة طابع الوردة
السلام عليكم ورحمة الله وبركاته من بين الحلويات المفضلة عندي وعند وليداتي هد الحلوى الرائعة المقادير : 250غ دقيق+ 125غ زبدة لينة +100غ سكر كلاصي +3 أصفر البيض+ملعقة كبيرة نشا +قبصةملح
عقدةاللوز :250غ للوز مصلوق ومقشر +100غ سكر+ملعقة كبيرة ماءالزهر +ملعقة كبيرة عسل+ملعقة كبيرة زبدة لينة +قشرة برتقالة
الطريقة:نشفو اللوز مزيان ونعملوه يتطحن مع 100غ سكر وملعقة ماءالزهر حتى يتطحن مزيان ثم نضيف الزبدة ونعاود نطحن باش تجي العقدة معلكة بعد ذلك نزيد قشرة البرتقالة والعسل ونخلط بأيدي مزيان ونبدى نشكل كرات صغيرة ونخليهم على جانب
العجينة:نخلط الزبدة مع السكر كلاصي حتى تصبح مثل الكريمة نضيف الدقيق والنشا وقبصة الملح ونخلط مزيان حتى يصبح الخليط مرمل ثم نجمعو باصفرالبيض و نشكلها كرة ونعملها في بلاستيكة ونخليها ترتاح نصف ساعة بعد ذلك نمدد ها بالمدلك بين 2 بلاستيكات باش ماتلسقش نبسطها رقيقة ونقطعها بواسطة مرشم دائري صغير ونعمل وسطها عقدة اللوز ونسدها ونكورها والطريقة موضحة بالصور
Commenter cet article